മനാമ: ബഹ്‌റൈനില്‍ നിന്ന് കൊച്ചിയിലേക്കുള്ള വിമാന സര്‍വിസുകള്‍ കുറഞ്ഞ സാഹചര്യത്തില്‍ പ്രവാസികള്‍ക്ക് ആശ്വാസമായി എത്തിയിരിക്കുകയാണ് ഇന്‍ഡിഗോ എയര്‍ലൈന്‍സ്. ജൂൺ 15 മുതൽ സെപ്തംബർ 20 വരെ ബഹ്റൈനിൽ നിന്ന് കൊച്ചിയിലേക്ക് ഇൻഡിഗോ സർവിസ് നടത്തും. എയര്‍ ഇന്ത്യ, ഗള്‍ഫ് എയര്‍ തുടങ്ങിയ കമ്പനികളെല്ലാം സര്‍വിസ് വെട്ടിക്കുറച്ച സാഹചര്യത്തിലാണ് ഇന്‍ഡിഗോയുടെ ഈ തീരുമാനം.
ജൂണ്‍ 15 മുതല്‍ ആരംഭിക്കുന്ന പുതിയ സര്‍വിസ് സെപ്റ്റംബര്‍ 20 വരെ നീണ്ടു നിലനില്‍ക്കും. ദിവസവും രാത്രി 10:20 ന് ബഹ്‌റൈന്‍ – കൊച്ചി റൂട്ടിലും, വൈകീട്ട് 7:30 ന് കൊച്ചി – ബഹ്‌റൈന്‍ റൂട്ടിലും ഇന്‍ഡിഗോ സര്‍വിസ് നടത്തും.
