മേപ്പയൂർ: വയനാട് ദുരന്തത്തിൽപ്പെട്ടവരെ സഹായിക്കാൻ തൊഴിലുറപ്പു തൊഴിലാളികളും രംഗത്ത്. അവരുടെ ഒരു ദിവസത്തെ വേതനം സംഭാവന നൽകാൻ മേപ്പയ്യൂർ ഗ്രാമപഞ്ചായത്ത് 17-ാം വാർഡ് തൊഴിലുറപ്പു തൊഴിലാളികളുടെ യോഗം തീരുമാനിച്ചു. വാർഡ് മെമ്പറും സ്റ്റാൻഡിങ് കമ്മറ്റി ചെയർമാനുമായ ഭാസ്കരൻ കൊഴുക്കല്ലൂർ അദ്ധ്യക്ഷതവഹിച്ചു.
Also Read
മുൻ മെമ്പർ എം.കെ. സുമതി, വികസന സമതി അംഗങ്ങളായ ചന്തു കൂഴിക്കണ്ടി, ശോഭ ആയലാട്ട്, മേറ്റുമാരായ ഇ.വി.ബിന്ദു, എ.പി.ധന്യ, എൻ.കെ. ഷൈമ , കെ.പ്രസീത, ഇ അഭിത എൻ. ജംസീന ടി.എം. ഷൈനി എന്നിവരും സംസാരിച്ചു. ചുരുങ്ങിയ വേതനം മാത്രം ലഭിക്കുന്ന തൊഴിലുറപ്പു തൊഴിലാളികളുടെ വലിയ മനസ്സിനെ പഞ്ചായത്ത് പ്രസിഡണ്ട് കെ ടി രാജൻ അഭിനന്ദിച്ചു.
