കീഴരിയൂർ : തങ്കമല ക്വാറിയിലെ ലൈസൻസ് റദ്ദാക്കൽ വിഷയത്തിൽ യുഡിഎഫിൻ്റെ കപട രാഷ്ട്രീയം തിരിച്ചറിയുക എന്ന മുദ്രാവാക്യമുയർത്തി സി.പി.ഐ.എം. ലോക്കൽ കമ്മറ്റിയുടെ നേത്യത്വത്തിൽ കീഴരിയൂർ സെൻററിൽ രാഷ്ട്രീയ വിശദീകരണ പൊതുയോഗം നടത്തി. സി പി ഐ എം. കൊയിലാണ്ടി ഏരിയാകമ്മറ്റി അംഗം പി സത്യൻ ഉദ്ഘാടനം ചെയ്തു. .പഞ്ചായത്ത് പ്രസിഡണ്ട് കെ.കെ. നിർമ്മല ടീച്ചർ, പാർട്ടി എരിയാ കമ്മറ്റി അംഗം പി.കെ ബാബു ലോക്കൽ സെക്രട്ടറി കെ.ടി.രാഘവൻ, എൻ.എം.സുനിൽ, ഐസജീവൻ എന്നിവർ സംസാരിച്ചു.
