💥SPECIAL STORY 💥 വനമിറങ്ങുന്ന വന്യജീവികൾ…..

ഗ്രാമത്തിൽ കാണാതിരുന്ന വന്യജീവികൾ വനമിറങ്ങി നാട്ടിൽ വാസം തുടങ്ങി. അഞ്ചാറ് കൊല്ലം മുമ്പുവരെ കാണപെടാതെ കിടന്ന കുരങ്ങുകൾ ഇന്ന് നാട്ടിൽ സുലഭമായി കണ്ട് തുടങ്ങി വയലിലും ഇടവഴി വക്കിലും റോഡിലും എല്ലാം ഇവയുടെ വിഹാര കേന്ദ്രമായി മാറി. പച്ചക്കറികളും കരിക്കും പറിച്ച് ഇവ കർഷകർക്ക് ഉപദ്രവമായി മാറുന്നുണ്ട്. മയിലുകൾ ഗ്രാമങ്ങളിൽ സർവ്വ സാധാരണമായി കാണുന്നു.

ഫോട്ടോ: പട്ടാമ്പുറത്ത് താഴ നിന്നും

പച്ചക്കറികളുടെയും ചെടികളുടെയും തളിരിലകൾ തിന്നു നശിപ്പിച്ച് ഉപദ്രവകാരിയായി മാറുന്നു. പച്ചക്കറികളുടെ പ്രധാന ശത്രുക്കളായി മാറിയിരിക്കുന്നത് മുള്ളൻപന്നികളും കാട്ടുപന്നികളുമാണ്. കാട്ടുപന്നികൾ അക്രമകാരികളാണ്. മരണകാരണ മായേക്കുന്ന അക്രമ സ്വഭാവം പ്രകടിപ്പിക്കുന്നവയാണിവ. ആദ്യകാലത്ത് ചേനയും ചേമ്പും മണ്ണിനടിയിൽ യാതൊന്നും തൊട്ട് തീണ്ടാതെ കിടക്കുമായിരുന്നു. എന്നാൽ ഇവ ഇപ്പോൾ കാട്ടുപന്നിയും മുള്ളൻ പന്നിയും നശിപ്പിക്കുന്നു. വയനാട് പോലുള്ള വനപ്രദേശങ്ങളിൽ കേട്ടിരിക്കുന്ന കൃഷി നഷ്ടങ്ങൾ ഇന്ന് കുന്നിൻ ചെരിവുകളുള്ള നമ്മുടെ നാട്ടിലും കേട്ടുതുടങ്ങിയിരിക്കുന്നു