കീഴരിയൂർ : ബാബു കല്യാണി കീഴരിയൂരിൻ്റെ നാടൻ പാട്ട് മ്യൂസിക് ആൽബം നവംബർ 30 ന് റിലീസാവുന്നു. നാട്ടിലെ കലാകാരൻമാരും കലാകാരികളും നാട്ടുകാരും ചേർന്ന് അഭിനയിച്ച ഈ ആൽബം കീഴരിയൂരും പരിസര പ്രദേശങ്ങളിലുമാണ് ചിത്രീകരണം നടത്തിയിരിക്കുന്നത്. ഈ അടുത്ത കാലത്ത് സൗത്ത് ഇന്ത്യൻ ഫിലിം അവാർഡ് മികച്ചഭക്തി ഗാന രചനക്ക് “എൻ്റെ പട്ടാമ്പുറം ” എന്ന ഇദ്ദേഹത്തിൻ്റെ രചന നേടിയെടുത്തിരുന്നു. കീഴരിയൂരിലെയും പരിസര പ്രദേശങ്ങളിലെയും ആരാധനാലയങ്ങളിൽ പാട്ടുകളെഴുതി പ്രസിദ്ധി നേടിയിട്ടുണ്ട്. മോടൻ നെല്ലും മേടമാസവും എന്ന ആൽബം ഷമ്നാസ് അലിയാണ് സംവിധാനവും സി രാം സി പണിക്കർ മ്യൂസിക്കും രാജേഷ് കളയംകുളത്ത് നിർമ്മാണവും നിർവഹിച്ചു.
