കൊയിലാണ്ടി:നഗരസഭയെയും,കീഴരിയൂർ പഞ്ചായത്തിനെയും ബന്ധിപ്പിക്കുന്ന, നടേരി പാലം യാഥാർത്ഥ്യമാവുന്നു ജൂൺ ആദ്യവാരം പാലത്തിൻ്റെ ശിലാ സ്ഥാപനം മന്ത്രി മുഹമ്മദ് റിയാസ് നിർവഹിക്കും എംഎൽ എ ടി.പി. രാമകൃഷ്ണൻ അധ്യക്ഷത വഹിക്കും ‘നടേരി കക്കുളം ,നടുവത്തുർ പെരുവാലിശ്ശേരി മീത്തൽ ഭാഗത്തുമാണ് പാലം പണിയുക 29 കോടി രൂപ മുതൽ മുടക്കിൽ നിർമ്മിക്കുന്ന പാലത്തിൻ്റെ നിർമ്മാണ ചുമതല ഊരളുങ്കൽ ലേബർ കോൺട്രാക്റ്റിങ് സൊസൈറ്റിക്കാണ് ‘ ശിലാസ്ഥാപന ചടങ്ങ് വിജയിപ്പിക്കാനുള്ള സംഘാടക സമിതി യോഗം നടുവത്തൂർ വെസ്റ്റ് മാപ്പിള സ്ക്കുൾ ഹാളിൽ നടന്നു. കൊയിലാണ്ടി,നഗരസഭാ ചെയർപേഴ്സൺ സുധാ കിഴക്കെപ്പാട്ട് അധ്യക്ഷത വഹിച്ചു. കീഴരിയൂർ പഞ്ചായത്ത് പ്രസിഡണ്ട് കെ.കെ. നിർമ്മല ടീച്ചർ, എൻ.എം സുനിൽ ഇന്ദിര ടീച്ചർ , അമൽ സരാഗ , സുധ വല്ലിപ്പടിക്കൽ , ജലജ ടീച്ചർ, സുനിതാ ബാബു , എം.സുരേഷ്, വിവിധ രാഷ്ട്രീയ പാർട്ടി പ്രതിനിധികൾ തുടങ്ങിയവർ സംസാരിച്ചു. നഗരസഭാ വൈസ് ചെയർമാൻ അഡ്വ.കെ. സത്യൻ , എസ്.കെ സരുൺ എന്നിവർ പദ്ധതി വിശദീകരണം നടത്തി സംഘാടക സമിതി ചെർപേഴ്സണായി സുധാ കിഴക്കെപ്പാട്ട് (ചെയർ പേഴ്സൺ), കെ.കെ. നിർമ്മല (കൺവീനർ) എന്നിവരാണ് സംഘാടകസമിതി ഭാരവാഹികൾ .
