ഇന്ത്യൻ റെയിൽവേയുടെ വിവിധ സോണുകളിലായി ലെവൽ-1 (ഗ്രൂപ്പ് ഡി) തസ്തികകളിലേക്ക് വൻതോതിൽ ഉദ്യോഗാർത്ഥികളെ നിയമിക്കാൻ റെയിൽവേ റിക്രൂട്ട്മെന്റ് ബോർഡ് തീരുമാനിച്ചു. ട്രാക്ക് മെയിന്റനർ, പോയിന്റ്സ്മാൻ, അസിസ്റ്റന്റ് തുടങ്ങി വിവിധ വിഭാഗങ്ങളിലായിട്ട് ഏകദേശം 21,997 ഒഴിവുകളിലേക്കാണ് ഇത്തവണ റിക്രൂട്ട്മെന്റ് നടക്കുന്നത്. കേന്ദ്ര സർക്കാർ ജോലി ആഗ്രഹിക്കുന്ന പത്താം ക്ലാസ് യോഗ്യതയുള്ളവർക്ക് ഇതൊരു സുവർണ്ണാവസരമാണ്.
പ്രധാന തീയതികൾ
അപേക്ഷ ആരംഭിക്കുന്നത്: 2026 ജനുവരി 31.
അപേക്ഷിക്കാനുള്ള അവസാന തീയതി: 2026 മാർച്ച് 02.
ഫീസ് അടയ്ക്കാനുള്ള അവസാന തീയതി: 2026 മാർച്ച് 04.
തിരുത്തലുകൾ വരുത്താനുള്ള സമയം: മാർച്ച് 05 മുതൽ 14 വരെ.
യോഗ്യതയും പ്രായപരിധിയും
അപേക്ഷകർ ഏതെങ്കിലും അംഗീകൃത ബോർഡിൽ നിന്ന് 10-ാം ക്ലാസ് വിജയിച്ചിരിക്കണം അല്ലെങ്കിൽ ഐ.ടി.ഐ (ITI) സർട്ടിഫിക്കറ്റ് ഉണ്ടായിരിക്കണം. 2026 ജനുവരി 1-ന് ഉദ്യോഗാർത്ഥികൾക്ക് 18 വയസ്സിനും 33 വയസ്സിനും ഇടയിൽ പ്രായമുണ്ടാകണം. എസ്.സി/എസ്.ടി വിഭാഗക്കാർക്ക് 5 വർഷവും, ഒ.ബി.സി വിഭാഗക്കാർക്ക് 3 വർഷവും പ്രായപരിധിയിൽ ഇളവ് ലഭിക്കും.
അപേക്ഷാ ഫീസ്
ജനറൽ, ഒ.ബി.സി, ഇ.ഡബ്ല്യു.എസ് വിഭാഗക്കാർക്ക് 500 രൂപയാണ് ഫീസ്. എസ്.സി/എസ്.ടി, വനിതകൾ, ഭിന്നശേഷിക്കാർ, സാമ്പത്തികമായി പിന്നോക്കം നിൽക്കുന്നവർ എന്നിവർക്ക് 250 രൂപ മതിയാകും. കംപ്യൂട്ടർ അധിഷ്ഠിത പരീക്ഷയിൽ (CBT) പങ്കെടുക്കുന്നവർക്ക് നിശ്ചിത തുക ബാങ്ക് ചാർജ് കഴിച്ച് തിരികെ നൽകുന്നതാണ്.
തിരഞ്ഞെടുപ്പ് പ്രക്രിയ: നാല് ഘട്ടങ്ങളിലൂടെയാണ് ഉദ്യോഗാർത്ഥികളെ തിരഞ്ഞെടുക്കുന്നത്:
CBT (Computer Based Test): കംപ്യൂട്ടർ അധിഷ്ഠിത എഴുത്തുപരീക്ഷ
PET (Physical Efficiency Test): കായികക്ഷമതാ പരീക്ഷ
രേഖകളുടെ പരിശോധന (Document Verification)
വൈദ്യപരിശോധന (Medical Examination)
എങ്ങനെ അപേക്ഷിക്കാം?
താൽപ്പര്യമുള്ള ഉദ്യോഗാർത്ഥികൾക്ക് www.rrbapply.gov.in എന്ന ഔദ്യോഗിക വെബ്സൈറ്റ് വഴി ഓൺലൈനായി അപേക്ഷിക്കാം. അപേക്ഷിക്കുന്നതിന് മുമ്പ് ഫോട്ടോ, ഒപ്പ്, യോഗ്യതാ സർട്ടിഫിക്കറ്റുകൾ എന്നിവ സ്കാൻ ചെയ്ത് കയ്യിൽ കരുതുക. തെറ്റായ വിവരങ്ങൾ നൽകാതിരിക്കാൻ പ്രത്യേകം ശ്രദ്ധിക്കണം.
